- الخواجه
الامريكانى
- الخواجه الامريكانى
- والسماسرة اللى وراه
- تخنوا بالكذب ودنه
- وعرضوا له مقاس قفاه
- فهموه
- من غير ما يفهم
- ان سوق الشرق مغنم
- والخوجه بطبعه مغشم
- والمصاري معفرتاه
- حب يعمل فيها تاجر
- وانطلق
- يسلب وينهب
- ف الزباين بالنهار
- يحذف الدولار يلمه
- تلتميت مليون دولار
- بالقزايز والبنات
- باللبان
- والبمبونات
- بالمدافع والدانات
- او بأفلام الرعاة
- قول بقي تاجر وفاجر
- وانفلت لص المواشي
- رعب ماشي فى البلاد
- يشفط البترول ويطرش
- كل الوان الفساد
- عزرائيل من غير فرامل
- يقلب العرسان ارامل
- حتى فى بطون الحوامل
- كان بيدبح الحياة
- بالسناكي والخناجر
- والنهايه يا خواجه
- مش ف يوم كانت بدايه ؟
- البدايه برضه لازم
- ييجي يوم
- توصل نهايه
- مهما زاد الراسمال
- الهلاك هو المآل
- والتاريخ
تعليقات
إرسال تعليق